يا خوي

قلمي بيدي يخط ما بقلبي من شقاياه
وفكري شاردن بعيد عني رايحن مع هواه
يسألوني وش علامج منتي على بعضج !!!شقول غير آه ه ه ه هن وألف آه
لالا انا معكم قالوا بلى ندري لكن معانا جسد وين الروح الي تحياه
الروح راحت لروح الروح الي ما اقدر ثواني انساه
همست لقلبي انشدة تقدر تعيش بلياه ؟؟
لا طبعا رد علي بجفا لا انا ولا انت نقدر على فرقاه
ما يغيب هو لحظة عن خاطري والله وبالله
متعذب هو كيف لي انا اهدا وارتاح
يهجى اني قوية وقلبي صخر جلمود لكن ابد ماني مثل هجواه
احاتي دمعة تسيل من عينة ولا تلاقي من يتلقاها تطيح وتبل هدماه
انا وعقلي وفكري وقلبي وروحي ونبضي بعد وياه
لا تقولون ليه مهتمة منهو ذا الي ماخذ هذوله معاه
شوصف فيه اقدر اقول باختصار من حلاه يوسف ماخذن انا اشهد انه محلاه
هذا الشعر مني لك ياخوي يانبض قلبي ومحياه

أبد ما ارضى لك الزعل لو هو من اكثر الناس تهواه

قلمي

ردا على شعر لشاعر مجهول اعجبتني كلماته عن القلم

هذا القلم فيه سر كبير محيرني
موبس معاك انت يتدلع
ليه شافته عيني وامسكته ايدينيي
مشي يخط بالورق ويتسكع
ودي اوقفه ولا اشغل تفكيري
ابد ما اقدر انا فيه مولع
صرت دايما ماسكته اوحاطته في جيبي
مو راضية عنه افج واتشلع
وين ما اروح هو رفيجي
نظرتي له دوم عالي ويلمع
هو يعرف كل ما فيني
هو يحس بقلبي لين التع
قلمي انت نعم الصديجي
انت شمي واناظري والسمع
انابدونك اعيش غير هاني
وانا معاك ابدع

رسالة أب

رجيتك مر علي يا ولدي بالشهر بس لو مرة
طلتك علي تفرح القلب وتسرة
انت لي بالهدنيا ياحبيبي اغلى درة
العيشة في بعادك عني غدت علقم ومرة
صابني عوقن انا ما انام الليل وأقووووول آه ه ه ه ياحسرة
ياويلي على حشاشة يوفي خذا وحدتن تظرة
قالت انا الداخل وابوك اهو الى برة
انا ابوك انا الي ربيتك مني انا تتبره ؟؟؟
ذنبك عند ربك عظيييييم آه ه ه ه ياكبره
خوفي عليك مهو بالحين خوفي عليك من بكره
يومن يجي وتخنقك فيه العبره
كما تدين تدان اعيدها لك 1000 مره
لك في المثل يا وليدي عبرة
انا واحدن مسلمن لربه أمره
وميعادنا في يومن منه مالنا مفرة
عسى ربي يهديك ويصلح بالك انت وهالنسرة
ههههههههههههههههههههههه
شايب لازم يغلط آخر شي ما يقدر هههههههههههههههه

قصة قلب

ابدي شعري بكلمة اتحدى الكل محد يقدر يعيش بدونها ثواني

القلب ...

قصته طويلة مالها بداية عشان اقول كان يا مكاني

انشدك عن قلب بحاله انا اعلم وداريه

كلمن عباله هو مرتوي واحدن ساقيه

وهو بالفعل محدن معبره والكل عنه لاهي ومخليه

لين اجا اليوم الى بعد عقبه ما يسمع احد يناديه

ولا احد يذكره وييب طاريه

كلمن يقوله تيمن ياقلب خلنا نمر كل من حايس ببلاويه

ما يدرون انه بمكانه انخلق ما يقدر ابد يبدله اويخليه

صابه مرض ناطر حبيب يداويه

جف ونشف من كثر البكا محتاج لأحدن يسقيه

بلى هو يشرب بس من كاس الزمن ضيم الدهر وهذا ابد ما يرويه

عطشان يبي كلمتن حلوة هي الي تسليه

تسمع همه وتمسح عليه وتهنيه

ناطر احد يعبره بالورد يزينه ويعطره نا طر احدن يراعيه

زاد عوقه من الصبر وبدا بنواحه يأن قلت حشى ما اروم انا بحاله هذى اخليه

تياسر ياقلب وبمكانك استقر في ذمتي محدن غيري يراعيك

انت لي على الشرط انا من اليوم ثواني ابد ما اخليك

انا وانت نسلي بعض لو محدن لفانا نعيش مماليك

بماي الورد والعود والعنبر انا اسقيك

اعاهدك اني معاك اسهر لين تشرق الشمس انا اخاوويك

ما يغمض لي جفن ولا واتأكد انك غفيت دوم انا اداريك

لسقامك اصيرلك دوا واشفيك

انا بروحي يا قلبي أفديك

واقولك بأي وقت اقرب وبداخلي بخليك

طول ما احنا مع بعض اوعدك اني اسعدك واهنيك

ومن يومها هذا حاله مازال ومادام ومستمر الين اخر الزمانييييييييييييي

للشعر معنى

ما الشعر الا قصة مرموقة يحدوها حلو القول والكلمات

بها الأبيات قد صفت منمقة بها الشوق والأحلام والنغمات

تبدأ القصة بنظرة فابتسامة فكلام يصف مايدور بالمخيلات

في صفحات تحمل في طياتها للحب اجمل وارق العبارات

فاشوق قيود من ذهب يجذبنا للحب عبر المسافات

والأحلام ما تمنته القلوب ولم تراه المقلات

اما النغمات فهي تراقص الفؤاد وتأخذه بعيدا عن الأزمات

يجري اليه وفيه ما يشعر به الفرد من هجسات

به يعبر المحب العاشق المجنون عما بداخله من همسات

فهو للحب خير مرسال يصل من القلب الى القلب بالطف واحن التعبيرات

كزهر الجوري وورد الكادي له في الجو احلى النسمات

يخطف السمع والبصر والقلب ياتي نحوه بلا اي ترددات

يعجز اللسان والقلم عن وصفه لوظل يكتب فيه ساعات

ترى المحب يقرأه ويحسه فتنور وجهه احلى البسمات

والطير يشدو منه اعذب اللحن والغنيات

الشعر بداية لا تنتهي بانتهاء الصفحات

له معاني كثيرة رسمتها سطور ببراعة في ابيات

نردده كثيرا ولنا معه الكثير من الوقفات

فهو يغنى به وتقوم عليه احلى الامسيات

معيد لقلوب ملامح ذكرى تبددت للحظات

ممزوج بأحاسيس عميقة تبثها المشاعر فتستسغيها العقول بأجود الصفات

حدود الشعر بحر للفصاحة والبلاغة والبيان هو بحر من الملكات

هو كلمات مستوحاه من اعماق انسان مرهف لديه امنيات

احساس ترسمه أنامل فنان هائم الفكر رقيق العبرات

روح محلقة بعيدا عن جمود الفكر بعيدا عن الآهات

كما قال في الشعر ابو تمام

ارى الشعر يحيي الجود والبأس بالذي تبقيه ارواح عطرات

وما المجد لولا الشعر الا معاهد وما الناس الا اعظم نخرات

فرحة العيد

اجتمعت هيأة الرؤيا الشرعية وهلال العيد كاهو بان
وباجر العيد وخلالالالالالالالالالالالاص اليوم آخر يوم برمضان
صج اني متحسفن على ان الشهر مضى وفان
لكن فيه شي يخليني ناطر العيد من زمان
ناطر الصبح مانمت الليل انا سهران
اتريا شوفتها بنت عمي بحبها انا هيمان وداخل قلبي ساكنه بييييييييييييييييه من قديم الزمان
حبي لها عمره كبير حوالي 18 سنة وفوقهم سنتان
من يوم انا واهي كنا ورعان
نلعب مع بعض عند بيت الجيران
آآآآآه ياكثر شوقي لها واشقد انا ولهان
حكم الزمن خلاني فيها متيم وعشقان
بغيرها انا ابد ما افكر لو مهما مضى من الوقت وكان
عنها انا بعيد بعيد ولا ني قادر بسنة الله ورسوله اكون لها كسبان
خذها ولد الحلال يابخته فيها هالمزيان
آآآآآآآآآه وانا لطاريها أفز لو كنت بآخر المكان
لها ولرمشها ولعيونها يحس قلبي دوم بخفقان
أنطر انا العيد بلهفة حدي ولهان
بس لجل خاطر نظرة وحدة تشفي حنين بداخلي يغلي يالله ياني حقها شفقان
بيمعة الأهل تلاقوني أول الموجودين وآخرهم ان لزم الأمر وكان
انطرها تجي ولي أقبلت حشى والله هذي ماهي بانسان هذي شمس الأكوان
يابعد اهلي وكل الخلان
ياريحة الورد والعنبر والريحان
احاول اخفي الي بداخلي بس عيوني تفتن علي وتقول صج اني عليج ولهان
ولكلامج ولنظراتج ياني عطشان
حدي محتاج ارتوي تراني حييييييل ضميان
وقلبي يبي من يسكنه هذا المسكين الشقيان
عيوني ماتشوف ابد غيرج يابعد عمري وقلبي لو افتر بكل الأكوان
وقلبي ما ينبض الا لشوفتج ولكن لا حول الا بالله خالق الانس والجان
بس اقولها بيني وبين نفسي احبج احبج احبج وحبج في قلبي له كبييييييييييير المكان
بس للأسف مثل ماردد راعي المثل وقال ليس كل ما يتمنى المرء له ينال
و دم دددم دددم دمتم سالمين J

قيل وقال

هو الشغل الشاغل لمعضم الناس النساء بالأخص ، ماكو لا زم الحلج يشتغل اذا مو بالأكل بالكلام أ, الأثنين معا :) بس أهم شي ان ما يوقف ،،، فلانة تزوجت !!! منو ؟؟؟ واحد عندة فلوووووس !!! ويي ماعنده نظر ؟؟؟ لا أكيد مسويتله سحر :)))) فلانه جنطتها ماركة !!!! معيشها بعز ؟؟؟ طاح حظنا ؟؟؟؟:)))))))))))) وعطوها وحدة @@ نايمة ببوكس وقايمة بطراق ::(( وييي فلانة يابت البنت الرابعة !!! أم البنات ههههه ؟؟؟ ريلها خذا عليها يبي ولد يشيل اسمه والريال قاعد مكيف على بنوتاته الله يخليهم له ويكثرهم :)) ليييييش ماكو شي ثاني غير فلانه عندها وماعندها ؟؟؟ تدروون في مواضيع واااايد لو المجتع النسائي يناقشها بدال القيل والقال ووتحريف الحقائق وتأليف الحكايات خاصة بجلسات شاي الضحى والدوامات ، خل يتناقشون في الأمور السياسية شفيها ؟؟؟ تبادل خبرات بس بدون صوااريخ ؟؟ هم حلو لالا يبا نخاف من العين :)) تدرووون أحسن شي يشغلون حلجهم بالأكل اقصد الأكل الصجي مو لحم البشر أكل عن أكل يفرق .

القناعة كنز لا يفنى

أول الشهر الضحكة شايلة المكان والابتسامة شقاقية وطاير من الفرحة طاير :)))) طبعا الجيب مليان اسمع كلمات دلع غزل لا وعادي يقط جم بيت شعر وغناوي حلوة بييييييي البيزة تسوى كل هذا !!!! يعني في مني في فني ما فيه ماني انسى الفني لو بسأل ياترى هل الفلوس اهيا منبع السعادة ؟؟؟؟ أتوقع 85% اذا مو اكثر بيجاوبون بنعم طبعا لا وبيطالعوني من طرف عينهم تسلم عينهم @@ ليش ليش يبا شصاير تخيلوا الواحد بدون صحة والله لو عندة مال قارون ما يونسه وواحد ثاني ما عندة قناعة لو فلوس الدنيا هم ما تترس عينه وواحد ثالث ما يعرف ان العبادة بنبوع السعادة نكمل الموضوع :) آخر الشهر نوم زف تحلطم مع العلم ((انت الي جبتو لنفسك )) . نقطة انتباه ((محطة)) تبي تصير أول الشهر نفس آخره ؟؟ طول الشهر مستانس؟؟ ماتحس بالتاريخ ولا تسأل عنه ؟؟ عليك بالصدقة تصدق ولا تقول ان انا يبيلي من يتصدق علي وتذكر (ما نقص مال من صدقة) ووفر حتى لو شوية ماراح تحس بنقصة لأنه شوية والأهم الأهم سورة الواقعة اييك الرزق لي بابك .

يبيلة كوتنة

يعني نستبدل العمالة الأجنبية بوطنية في كل مكان لمن اقول كل مكان اقصد على الأقل نحاول ، خطوة حلوة من بعض المحلات والشركات الخاصة محاولين تشجيع شبابنا وشاباتنا بس للاسف يدلعون وما كو فايدة لا واذا حاولووشدوا حيلهم ، الناس عيبوا ولييييي شلون يعني!!؟ مثلا في الصيف بنت الناس الجدعة حاولت وحنت على اهلها وبالغصب وبالواسطة صارت وويترس في احدى المطاعم تدروون جس وت ؟؟ ربعها قاموا يتعنون لي المطعم عشان يتطنزون :( يبيلة جد لو شوية ، مع العلم ان فيها فايدة بنواحي عديدة منها الاعتماد على النفس وتعلم التوفير وان الفلوس تيي بتعب فماتنصرف الا على شي يسواوأهم نقطة استغلال الوقت اعيد وااكد واقول يبيلة كوتنة كاشيرات -بياعين -ميكانيكيين-طباخين000الخ كل شي وليش لأ نفس الدول المتقدمة لا واسمها متقدمة وعيالها حتى الزبالة يشيلونها بس احنا طول ما احنا قاعدين نربي كروش وعلى راسنا ريشة بنظل دول نايمة أوووه قصدي نامية :)

جب وكتب

(((after marriage husband and wife become tow side of coin they just cant face each other but still they stay togeter ))) بصراحة كلام معقول :) وعندا قرأته ارتسمت البسمة على شفتاي :) وسألت نفسي هل هذا صحيح ؟؟؟ بصراحة نعم وعين العأل على قولة اخوانا المصريين ،قمت و فسرتها بس من الناحية الايجابية فوجدت أن العمله المعدنية لا يمكن أبداأبدا أبدا فصل الوجهين عن بعضهما فهما معا الى الأبد :) وان حدث وتم الفصل فلا قيمة لأي واحد منهما فكيلاهما يفقد قيمته هذا يعني ان قيمتهما موجودة كونهما مع بعض :) فنجد أن كل واحد يكمل الثاني محد يقدر يقول أ انا أحسن منك يا كتب أوالعكس :) ولاحظوا ان كل وجه يختلف عن الآخر وعمرهم ما راح يصيرون نفس بعض ولو صاروا شان نقدر نقول ان ( المركب اذ مشى بكابتنين غرق(

والله يوفق الجميع

هوب هوب يا بحر

أووووه يا مال .... أي والله أوه او 1000 اوه يامال يالي دفنت البحر يالي حولت الشاطىء الحلو عماير وبنايات ومطاعم ومقاهي ، عمرها ما صارت بأي ديرة في العالم الناس تدور البحر واحنا ندفنه ونخشة ؟؟؟؟ الله يرحمك يا شيخ عبدالله السالم ماكنت تسمح أي شي ينبني على البحر ، شي حلو وجميل التطور المعماري والحضاري الى احنا فيه الحين بس ليش بالبحر ليش مو الصوب الثاني عيزنا مطاعم ومقاهي شارع الخليج العربي صار شارع المطاعم لأنك ما نشوف الا اهيا وين الخليج ؟؟؟؟ البحر ما يبين والله ،، ترى ياجماعة حلاته الواحد يمشي بسيارته ويشوف الطبيعة حواليه واحنا نتحلطم ونقول أي طبيعة بالكويت !!!! البحر أكبر نعمة من الله وأحلى طبيعة عندنا وأكثر شي فيه أناسة البحر البحر البحر بحرنا مو أي بحر هذا الخليج عجيب ، حسافة والله حسافة احد يغطي البحر يا ناس حتى صوت الماي انحرمنا منه L تقدر تشوفه بس تدري شلون لازم تكشخ وتتهندم وتصير على سنجة 10 وتترس الجيب بيزات وتنادي أحد يروح معاك وتدش مطعم أو مقهى وتاكل وتشوف البحر بس ها صورة بدون صوت L واااااي تعبنا أكل بس كل ما تلتفت أكل بس كفاية الواحد ودة ياخذ أهله ومدته ويقعد على الرمل ويونس عياله انا اقدر اقول صارت شوفت البحر بفلوس عدل ولا مو عدل ؟؟؟!!!!