تناتيف

علمني ليش

ليش أحبك وأودك
ليش أغلى واحد أعدك
ليش لي ييت أقسى واهدك
رفض قلبي وقام صوبه يشدك
والشوق ياخذني و يرميني بحضنك
وصار كل مافيني يطلب وصلك
أمانه يلي أحبك
لا تذوقني بعادك وصدك


وين احطك ؟؟

قلبي وعيوني يتخالفون
كل واحد يبيك عنده يخليك
في داخل كل منهم لك حب مكنون
وكل منهم يتمنى يخاويك
عيوني تحبك وقلبي فيك مجنون
تغار عيوني لي جاب القلب طاريك
باختصار
كل ما فيني يبيك


احساس

يطري علي عشقك
واموت انا من الوله
قلبي هيمان في حبك
فداك عمري اكمله


مكانك

أنا وقلبي كنا بطاريك
غيران من كثر حبي لك
ومن زود حبي وسوالفي فيك
ويقول انا الي داخلك
واهو برة ما درا عن امانيك
وهن عذابن عايشة بسبته
ادري انك تحبه وتموت فيه
بس انا قلبك الى احمله
قلت له:
تهددني !!
انا شايله وكل ما فيني يبيه
وانت ياقلبي دامك غيران منه
بشيلك وفيك اهوا بستبدله
واصير احيا انا فيه
واعيش عمري معاه من اوله

(ملاحظة اسفة ياقلبي بس مستحيل اني استبدلك كلام وخواطر لا تصدق :) )

خاطرة

شبيت روحي عليك وحرقتها وش ناطر تستوي رماد !!!!

تشب روحي وتحرقني وتروح

قلتها وارد اقول لجل عينك يرخصلك الغالي ويفداك

هذيك روحي صارت رماد

وهذا قلبي ذبحته

ابتسامتي اغلى ما املك فارقتها

احس اني اغرد بلا صوت

احس اني قريب من الموت

حتى قلمي رفض يكتب هالكلام

يحبك

وتذكر شكان يكتبلك

كل يوم اهوا الي يسبفني واليوم انا جبرته

ادمعت عيني دم

عضيت على اصبعي من الندم

اتعبتني عملية حساب الوقت

اتعبتني امواج بحرك

لك مني ماتريد

البعد أولا

فالهجر

فالنسيان

:(